Општина Струга отстрани нелегално поставена урбана опрема од јавни површини

Надлежните општински служби во Струга денеска спроведоа акција за отстранување на урбана опрема која била поставена без соодветно одобрение на јавна површина. Продолжуваат активностите за заштита, уредување и правилно користење на јавните површини во градот, информираа од Општината.

Оттаму посочуваат дека поставувањето на урбана опрема, рекламен материјал, инвентар и други елементи на јавни простори е дозволено исклучиво по добивање на потребните одобренија од локалната самоуправа.

„Јавните површини се заедничко добро на сите граѓани и нивното уредно користење придонесува за поголема безбедност, функционалност и подобар изглед на градот“, потенцираат од Општина Струга.

Локалните власти апелираат до правните и физичките лица да ги почитуваат законските процедури и прописи при користењето на јавните простори, со цел да се обезбеди уредна и безбедна урбана средина.

Од Општината нагласуваат дека ќе продолжат со редовни контроли и активности насочени кон заштита на јавниот интерес, како и кон зачувување и унапредување на јавните површини во градот.