Денес во Охрид ќе се одржи работилница „Граѓанско учество и заштита на правото на здрава животна средина“

Денес во Конгресниот центар во Охрид ќе се одржи работилницата „Граѓанско учество и заштита на правото на здрава животна средина“.

Работилницата е наменета за членови на локални заедници, граѓански организации, млади и сите заинтересирани граѓани од општините од Југозападниот плански регион (Вевчани, Дебар, Охрид, Дебрца, Кичево, Македонски Брод, Пласница, Струга, Центар Жупа), кои сакаат активно да се вклучат во процесите на креирање мислење и донесување на одлуки за прашања поврзани со животната средина. Проектот има за цел да ги охрабри и поддржи граѓаните поактивно да се вклучат во процесите на донесување одлуки поврзани со животната средина, како и подобро да ги користат правните механизми за заштита на своите права. Преку практични примери и интерактивна дискусија, учесниците ќе имаат можност да се запознаат со механизмите за вклученост на јавноста, правата и законските можности за заштита на животната средина, како и со начини за покренување иницијативи и застапување на локални еколошки прашања.

Според организаторите, настанот ќе овозможи простор за размена на искуства, идеи и заедничко креирање стратегии за подобра и поздрава животна средина.