Утре во Струга ќе се одржи завршниот концерт на Школата за византиска музика „Калистрат Зографски“

Школата за византиска музика „Калистрат Зографски“ ги поканува сите љубители на духовната музика на својот завршен концерт, кој ќе се одржи на 19 јуни (петок) со почеток во 20:00 часот во НУ Центар за култура „Браќа Миладиновци“ Струга.

Публиката ќе има можност да ужива во изведбите на детскиот, женскиот и машкиот хор, кои преку богатата програма ќе ја претстават убавината на византиската музичка традиција и духовното наследство.

Концертот претставува круна на годишната работа на учениците и нивните ментори, а организаторите најавуваат вечер исполнета со духовна музика, традиција и уметност.

Влезот е слободен.