„Мали стапала“ две години обезбедува стручна поддршка и индивидуален пристап за секое дете

Центарот за стимулација на раст и развој, едукација и советување „Мали стапала“ деновиве одбележува две години успешно работење, посветени на поддршката на децата и нивните семејства. Во изминатиот период, центарот се етаблираше како место каде што секое дете добива индивидуален пристап, стручна поддршка и можност да ги развива своите потенцијали во поттикнувачка и безбедна средина.

-Она што го издвојува „Мали стапала“ е пристапот кој се темели на индивидуалните потреби на секое дете. Третманите и активностите се внимателно планирани и прилагодени според развојните карактеристики, интересите и потенцијалите на детето. Часовите се реализираат преку игра и игровни активности, бидејќи токму играта претставува природниот начин на кој децата учат, истражуваат и ги развиваат своите способности, објаснува Јана Маркоска, специјален едукатор и рехабилитатор и сопственичка на Центарот.

Работата на центарот ги опфаќа сите домени на детскиот развој , когнитивниот, моторниот, емоционалниот и социјалниот. Преку сеопфатен и стручен пристап, тимот на „Мали стапала“ работи на поттикнување на целокупниот развој на детето, истовремено обезбедувајќи поддршка и насоки за родителите како најважни партнери во процесот.

Во современото општество, значењето на центрите за рана стимулација и развој е од исклучителна важност, бидејќи навремената поддршка може да направи значајна разлика во развојниот пат на детето. Токму затоа, „Мали стапала“ претставува место каде што стручноста, посветеноста и љубовта кон децата се преточуваат во секојдневна работа и мали, но значајни чекори напред.

По повод вториот роденден, од центарот изразуваат искрена благодарност до родителите за довербата и соработката што ја градат изминатите две години, како и до децата кои секојдневно инспирираат со својата љубопитност, искреност и напредок.

–Вториот роденден на „Мали стапала“ не е само одбележување на една годишнина, туку прослава на стотици мали чекори, насмевки, успеси и заеднички приказни. Тој е потврда дека кога детето добива поддршка прилагодена на неговите потреби, со љубов, разбирање и стручна работа, секое мало стапало може да направи големи чекори кон својот целосен потенцијал, вели Маркоска.

Нивната работа можете да ја следите на:
Instagram: mali.stapala
Facebook: Центар „Мали стапала“ – Охрид
За повеќе информации, контактирајте на телефон: 070 605 335
или пишете на е-пошта: mali.stapala@outlook.com