ЈП „Градски пазар“ Охрид објави оглас за издавање локација за постојка за електрични тротинети

ЈП „Градски пазар“ Охрид објави јавен оглас за издавање простор за поставување мобилна урбана опрема за комерцијално користење.

Станува збор за локација на булеварот „Македонски Просветители“ во Охрид, наменета за поставување урбана опрема, постојка за електрични тротинети.

Локацијата ќе се издава за период од 1 јули до 30 септември 2026 година, согласно условите наведени во јавниот оглас.

Заинтересираните правни и физички лица пријавите можат да ги достават по пошта или лично во архивата на ЈП „Градски пазар“ Охрид, најдоцна до 7 јули 2026 година, до 11:00 часот.

Графичките прикази со нумерички ознаки на предвидената локација може да се преземат од официјалната веб-страница на ЈП „Градски пазар“ Охрид или во просториите на претпријатието, секој работен ден од 07:00 до 15:00 часот.

Целосниот текст на јавниот оглас е достапен на линкот.