Во сообраќајка кај Рача тешко повреден 48-годишен охриѓанец, возел под дејство на алкохол

На 9 јули 2026 година, во 19:15 часот, во СВР Охрид била пријавена сообраќајна несреќа што се случила на регионалниот пат Охрид – Свети Наум, во близина на селото Рача.

Во несреќата учествувале патничко возило „Цитроен“ со охридски регистарски ознаки, управувано од 48-годишен жител на Охрид, и патничко возило „Форд“ со охридски регистарски ознаки, управувано од 59-годишен жител на Охрид.

Возачот на „Цитроен“ се здобил со тешки телесни повреди, кои биле констатирани во Специјалната болница „Св. Еразмо“ во Охрид. Телесни повреди добиле и возачот на „Форд“, како и неговата 57-годишна сопатничка, двајцата од Охрид.

Од СВР Охрид информираат дека по преземените мерки, било утврдено дека возачот на „Цитроен“ управувал возило со 1,80 промили алкохол во крвта. По наредба на јавен обвинител, неговото возило било одземено.

Увид на местото на несреќата извршиле полициски екипи, а по целосното документирање на случајот, против 48-годишниот охриѓанец ќе биде поднесена соодветна кривична пријава.