Општина Охрид ги повикува граѓаните да учествуваат во изработката на новиот Локален еколошки акционен план

Општина Охрид започна со подготовка на новиот Локален еколошки акционен план (ЛЕАП) за периодот 2026–2032 година и ги повикува граѓаните активно да се вклучат во процесот преку пополнување на анкета за состојбата со животната средина.

Целта на анкетата е да се испита јавното мислење за најголемите еколошки проблеми со кои се соочува општината, како и да се согледаат ставовите на граѓаните за природните вредности и приоритетите што треба да бидат опфатени во новиот стратешки документ.

Од Општина Охрид истакнуваат дека мислењето на граѓаните е од особена важност при изработката на ЛЕАП, бидејќи токму преку нивните предлози и согледувања ќе се идентификуваат главните притисоци врз животната средина и ќе се предложат мерки за нивно надминување.

ПОПОЛНЕТЕ ГО АНКЕТНИОТ ЛИСТ ТУКА.