Џабе јадете куркума ако не ја комбинирате правилно

Куркумата важи за еден од најпознатите природни сојузници во борбата против воспаленијата, но многумина не знаат дека сама по себе организмот тешко ја искористува. Ако во јадењето не додадете малку црн бибер, голем дел од нејзините корисни состојки остануваат неискористени.

Главната активна состојка во куркумата е куркуминот, соединение кое многу слабо се апсорбира во дигестивниот систем. Токму затоа нутриционистите препорачуваат куркумата секогаш да се комбинира со прстофат свежо мелен црн бибер. Пиперинот, кој се наоѓа во црниот бибер, значително ја подобрува апсорпцијата на куркуминот, а дополнително помага и ако во оброкот има малку здрави масти, како маслиново масло.

Освен куркумата, и другите зачини можат да придонесат за поздрава исхрана. Сувото оригано содржи голема концентрација на антиоксиданси и лесно може да се додава во чорби, сосови и јадења со грав или леќа. Свежите зачини, пак, како босилекот, најдобро е да се додаваат на крајот од готвењето за да ги задржат своите арома и хранливи состојки.

Рузмаринот е идеален за печење компири и месо бидејќи добро поднесува високи температури, додека естрагонот е добар избор за подобрување на вкусот без дополнително додавање сол.

Иако овие зачини можат да бидат корисен дел од секојдневната исхрана, тие не се замена за медицинска терапија. Лицата кои земаат лекови за разредување на крвта, имаат дијабетес или други хронични заболувања, треба да се консултираат со лекар пред значително да го зголемат внесот на куркума.

Практичен совет е однапред да подготвите сопствена мешавина од куркума, црн бибер, оригано и рузмарин и да ја чувате на место кое секојдневно го користите при готвење. Така полесно ќе ја вклучите во исхраната, а редовната употреба носи многу поголема корист отколку повременото користење на скапи суплементи.