Спасителите на Охридското Езеро ова лето извлекле 21 давеник, интервенирале повеќе од 500 пати

Центарот за безбендост на вода во Охрид ова лето со полни раце работа. Извлечени се 21 давеници, а укажани се  над  500 интервенции.  Дневно спасителите  на вода имаат  десетици укажувања на прва помош.

Најголем дел се   топлотни удари, водени шокови, посекотини, повреди, убоди од инсекти  и лица под дејство на алкохол, особено на плажите каде што се организираат забави.

„Најголем број интервенции имаме на плажите во Градиште, каде што има посекотини, посериозни повреди, но и лица под дејство на алкохол. Треба да се почитуваат правилата на плажите, да не се капе под дејство на алкохол и да се следат упатствата на спасителите. Апелирам до сите кои ќе го посетат Охрид да ги почитуваат правилата и безбедносните мерки на капалиштата. Безбедноста започнува од самите нас. Доколку посетителите се однесуваат одговорно, спасителите се тука да ги насочат, да ги предупредат и да им помогнат кога тоа ќе биде потребно.“- вели Арсениј Ѓоршески од  Центар за безбедност на вода.

Покрај спасителите на плажите, Центарот за безбедност на вода располага и со два спасувачки чамци, како и лекарски тим, доктор и две медицински сестри, кои интервенираат кога е потребно и на вода. 

Во екот на туристичката сезона, на 12 капалишта долж охридското крајбрежје се ангажирани 14 спасители кои секојдневно се грижат за безбедноста на капачите, но на голем дел од плажите не се исполнети безбедносните стандарди.

Новинар Соња Рилковска