Општина Охрид вработува на неопределено време одговорен на возен парк, плата 36.000 ден

Општина Охрид објави јавен оглас за вработување на едно лице на неопределено време на работното место „Одговорен на возен парк“ (УПР 04 03 А01 001).

За позицијата е потребно кандидатите да имаат најмалку завршено средно образование, како и положен возачки испит за Б или Ц категорија. Работно искуство во струката не е задолжително.

Работното време е 40 часа неделно, а предвидената основна нето плата изнесува 36.000 денари.

Кандидатите треба да ги исполнуваат општите услови за вработување во јавниот сектор, а при пријавувањето потребно е да достават CV, доказ за државјанство, доказ за образование, возачка дозвола/доказ за положен возачки испит, доказ за работно искуство доколку го имаат, како и соодветните други документи наведени во огласот.

Пријавите се доставуваат во затворен плик до Општина Охрид, ул. „Димитар Влахов“ бр. 57, со назнака „вработување по јавен оглас“.

Рокот за пријавување е 5 работни дена од денот на објавувањето на огласот. Некомплетните и ненавремено доставените пријави нема да бидат разгледувани.

За дополнителни информации, лице за контакт е Лидија Грданоска – 072 241 772, а пријавата може да се преземе преку веб-страницата на Општина Охрид.