Skip to main content

Есента официјално пристигнува денеска, денот и ноќта се израмнуваат

Со пристигнувањето на есента започнува периодот на постепено заладување, промена на боите во природата и подготовка за зимскиот период.
 |  инфодеск  | 
maple leaves, autumn, leaves, foliage, autumn leaves, autumn foliage, autumn colors, autumn season, fall foliage, fall leaves, fall colors, nature, maple, red leaves, red foliage, seoul, korea, dobong, seasonal, autumn, autumn, autumn, autumn, autumn, leaves, autumn leaves, korea

Денеска, 22 септември, календарски започнува есента, со настапувањето на есенската рамноденица – денот кога должината на денот и ноќта се приближно еднакви. Есенската рамноденица го означува моментот кога Сонцето ги осветлува северната и јужната хемисфера приближно подеднакво. По овој датум, на северната хемисфера ноќите постепено стануваат подолги, а деновите пократки.

Со пристигнувањето на есента започнува периодот на постепено заладување, промена на боите во природата и подготовка за зимскиот период. Листовите на дрвјата почнуваат да ги менуваат своите бои, а деновите стануваат пократки. Есенската рамноденица се случува еднаш годишно на северната хемисфера, најчесто на 22 или 23 септември, зависно од календарската година и астрономските пресметки.

Овој период традиционално се поврзува со бербата и завршувањето на земјоделскиот циклус, но и со почетокот на новата сезона која носи пониски температури и постепено намалување на дневната светлина.

Back to Homepage

Latest Охрид