Јавно излагање за промена на границите на две градежни парцели во Коњско

Општина Охрид закажа јавно излагање на проектна програма за изработка на урбанистички проект со кој се предвидува промена на границите на соседните градежни парцели ГП 1.6 и ГП 1.7, наменети за времен престој – хотели, во катастарската општина Коњско, во рамки на туристичкиот локалитет Горица – Св. Стефан – Метропол.

Јавното излагање ќе се одржи на 21 октомври 2026 година, со почеток во 12 часот, во Големата сала на Општина Охрид.

Со проектот се предвидува дел од катастарската парцела 2434/2 да се префрли од ГП 1.6 во ГП 1.7, додека дел од парцелата 2435/1, на кој се наоѓаат изведени улици и пристапи, да се изземе од ГП 1.6 и да се припои кон новопроектираната улица „4“. Со ова се предвидува намалување на површината на ГП 1.6, а соодветно и на површината за градење и вкупната развиена површина.

Заинтересираните сопственици и нивните полномошници можат да достават евентуални приговори до Секторот за урбанизам и управување со градежно земјиште при Општина Охрид, најдоцна до 21 октомври 2026 година.

Деталите за проектот и огласот за јавно излагање се достапни на следниот линк: ОГЛАС ЗА ЈАВНО ИЗЛАГАЊЕ НА ПРОЕКТНА ПРОГРАМА ЗА ИЗРАБОТКА НА УРБАНИСТИЧКИ ПРОЕКТ СО ПЛАН НА ПАРЦЕЛАЦИЈА ЗА ПРОМЕНА НА ГРАНИЦИТЕ НА СОСЕДНИ ГРАДЕЖНИ ПАРЦЕЛИ ГП 1.6 И ГП 1.7 СО ОСНОВНА КЛАСА НА НАМЕНИ А4-ВРЕМЕН ПРЕСТОЈ – ХОТЕЛИ, НА КП БР.2435/5 И ДР. КАТАСТАРСКИ ПАРЦЕЛИ, ВО КО КОЊСКО, ВО УПВНМ НА ДЕЛ ОД ТУРИСТИЧКИ ЛОКАЛИТЕТ ГОРИЦА – СВ.СТЕФАН- МЕТРОПОЛ – ОПФАТ 3, ОХРИД, ОПШТИНА ОХРИД – Ohrid.gov.mk