Ново поскапување на горивата од полноќ
Од полноќ повторно поскапуваат горивата во земјава. Регулаторната комисија за енергетика (РКЕ) донесе одлука за зголемување на малопродажните цени на нафтените деривати во просек за 1,55 проценти во однос на претходната одлука од 26 октомври.
Од 3 ноември, со почеток во 00:01 часот, максималните малопродажни цени ќе изнесуваат:
- ЕУРОСУПЕР БС-95 – 93 денари за литар
- ЕУРОСУПЕР БС-98 – 95 денари за литар
- ЕУРОДИЗЕЛ БС – 100 денари за литар
- Екстра лесно масло за домаќинство (ЕЛ-1) – 110 денари за литар
- Мазут М-1 НС – 55,573 денари за килограм
Со новата одлука, бензините ЕУРОСУПЕР БС-95 и ЕУРОСУПЕР БС-98 поскапуваат за два денара по литар, додека дизелот поскапува за еден денар. Цената на екстра лесното масло за домаќинство останува непроменета, а мазутот поскапува за 1,30 денари за килограм.
Од РКЕ информираат дека при формирањето на новите цени се земени предвид намалената стапка на ДДВ од 10 проценти за дизелот, како и намалените износи на акцизите од два денара за литар кај бензините и четири денари за литар кај дизелот.
