Фатен при бесправна сеча на бука во државна шума над Подгорци, кривична пријава за 45-годишник

ОВР Струга поднесе кривична пријава против 45-годишен жител на струшкото село Подгорци, поради постоење основи на сомнение за сторени кривични дела „пустошење на шуми“ и „кражба“.

Како што информираат од СВР Охрид, на 16 октомври 2026 година, при заедничка акциска контрола на полициски службеници од ОВР Струга и Шумската полиција, на планинскиот појас над селото Подгорци, лицето било затекнато при бесправна сеча на немаркирани букови дрвја.

Сечата се одвивала во шумска катастарска парцела во државна сопственост, со намера бесправно да ја присвои дрвната маса.

Лицето било лишено од слобода, а бесправно исечената дрвна маса била предадена на Шумската полиција за понатамошна постапка.