Притвор до 30 дена за охриѓанецот осомничен за физичкиот напад врз 26-годишна девојка

Основниот суд во Охрид му одреди мерка притвор во траење до 30 дена на 31-годишниот охриѓанец осомничен за бруталниот напад врз 26-годишна девојка.
Основното јавно обвинителство Охрид презеде итни дејствија и поднесе обвинение против осомничениот за три кривични дела: телесна повреда, противправно лишување од слобода и загрозување на сигурноста.
„При вршење семејно насилство, обвинетиот противправно ја затворил, физички ја нападнал, телесно ја повредил и ја загрозил сигурноста на една оштетена.
Во текот на денот, со цел испитување на настанот, јавниот обвинител презеде повеќе дејствија. Испитана беше оштетената во присуство на социјални служби и беше наредено и извршено вештачење на видот и карактерот на нејзините повреди.“ – соопштија од ОЈО Охрид.
Имајќи ги предвид утврдените околности во предметот, заедно со обвинението, Обвинителството доставило и предлог за определување мерка притвор. Осомничениот бил обезбеден во текот на целата постапка, а Судот го прифатил предлогот и му одредил притвор до 30 дена.








