Ако по некоја случајност родените Американците мора да го решат официјалниот тест за државјанство што го решаваат имигрантите, скоро 40% од нив ќе треба да бидат депортирани од сопствената земја.
Кога неодамна Њузвик им го дал тестот на 1.000 случајно одбрани американски државјани, дури 29% од нив не му го знаеле името на потпретседателот, 73% немале поим зошто се водела Студената Војна, 44% не можеле да ја дефинираат Декларацијата за правата, додека 6% не знаеле кога се слави Денот на независноста.
Немојте да не сфатите погрешно, цивилното незнаење не е ништо ново. Но светот се менува и за жал, станува се понегостољубив за нељубопитните незнајковци, како нас”, пишува Ендрју Романо од Њузвик.
“Повеќе од 2 века Американците успешно се извлекуваат со своето непознавање на светот околу нив. Но, сега дојдоа други времиња, во кои цивилното незнаење е голем проблем. Изолацијата е во ред само за изолираните општества, но ние не смееме веќе да си ја гледаме само нашата работа”, коментира авторот.
“Еден професор по политички науки вели, кај нас проблемот не е во глупавоста, туку во незнаењето. Останува да видиме дали тоа е неизлечива болест или може да се лекува. Сепак, мислам дека е крајно време да почнеме да го бараме лекот”, ја завршува статијата Романо.
{loadposition content9}
