Соло пеачи од земјава и надвор од неа, во Струга. Тие една седмица учествуваат на семинарот по соло пеење, кој годинава се одржува по четврти пат. Професор Марија Муратовска Наумова, вели дека интересот за овој семинар од година во година е се поголем, бидејќи семинарот овозможува високостручно оспособување за оние кои имаат афинитет кон соло пеењето.
Наумова вели дека трошокот за учество на семинарот соло пеачите сами си го подмируваат, а од нивна страна континуирано се правеле напори да обезбедат дел од средствата, но засега ништо од тоа. Таа вели дека максимално се вложува на секој поединец без разлика дали е почетник или има некакво музичко образование. Наумова категорична дека постои само еден предуслов за учество на семинарот, желбата за пеење.
Децата учесници на семинарот, задоволни од она што го стекнуваат и учат. Тие со посебни импресии зборуваа за талентот на нивната професорка од која очигледно сите се задоволни.
Сработеното, соло пеачите ќе го покажат в петок на 08 јули во 21 часот, за кога е најавен концертот кој ќе се одржи во Домот на Културата во Струга. Исто така за таа вечер има посебно изненадување за кое организаторите не ги открија деталите. Веруваме дека тоа ќе биде пријатно, бидејќи она што ние го затекнавме на пробата зборува повеќе од се.
{loadposition content9}
