Вчера во Кортона, Италија беше спуштена завесата на годинашното издание на фестивалот „Тосканско сонце“ што се одржа под мотото „Уметноста на живеењето“.Огромно внимание предизвика премиерата на проектот „Заведување, чад и музика: љубовната приказна на Шопен и Жорж Санд“ од Џејмс Мело, во режија на Доналд Т. Сендерс, а во чија изведба ликот на музичарот Шопен зад пијаното го интерпретираше нашиот прославен пијанист Симон Трпчески, додека човекот и љубовникот Шопен на сцената го донесе легендарниот британски актер, оскаровецот Џереми Ајронс.
Интересен момент се случи на стартот од премиерата. Откако Трпчески, кој сам настапува на самиот почеток, отсвире 4 тактови од Ноктурното во цис-мол, тишината меѓу две ноти ја распара ѕвонењето на мобилен телефон чиј сопственик не успеа да се снајде и веднаш да го исклучи па ѕвонењето продолжи неколку пати. Пијанистот стана, ја напушти сцената и по кратка пауза се врати и го започна проектот од почеток. Публиката со одушевување го поздрави ваквиот потег на Трпчески.
{loadposition content9}
