Фармацевтите не попуштаат пред барањата на Фондот за здравствено осигурување да ги намалат цените на одредени лекови од позитивната листа. Откако се консултирале со нивните матични фирми во странство и направиле детални анализи, 14 фармацевтски комапнии доставиле писмени забелешки до Фондот и чекаат да бидат повикани на разговор. Велат, барањата на ФЗОМ се неразумни, а обвинувањата дека некои од лековите се неколкукратно поскапи од земјите во регионот се неосновани. Фондот минатиот месец најави поевтинување на 115 лекови, што веднаш наиде на силни реакции кај производителите и увозниците на лекови.Крајниот исход од преговорите со Фондот ќе се знае за неколку недели.
{loadposition content9}
