Непријано изненадени се сопствениците на услужните дејности од сознанието дека за нив не важи мерката за намалување на ДДВ во туризмот. Зачудени се бидејќи како што велат и тие припаѓаат во областа угостителството и туризмот. Можеа да не известат и да ни кажат дека мерката нема да се однесува за рестораните и кафулињата, па да баравме некое чаре и за нас вели познатиот охридски угостител Љупчо Патчев. Бараат од нас да ги намалиме цените на услугите, а намалувањето на ДДВ важи само за хотелите. Патчев зачудено прашува во кој кош од туризмот припаѓаат тие.
Директорот на Агенцијата за поддршка и развој на туризмот, Зоран Стрезоски нагласува дека владина мерка намалување на стапката на ДДВ од 18 на 5 посто се однесува исклучиво за хотелските капацитети, а за останатите субјекти понатака ќе се разгледаат и други мерки.
Со оваа долго очекувана и најавувана мерка како и онаа со субвенција за странски гости, Владата очекува Македонија како туристичка дестинација да биде поконкурентна и поприфатлива за странските туроператори. Поприфатливи цени за нив ќе значи и повеќе гости на охридско-струшкиот брег.
{loadposition content9}
