Се очекува на самитот да биде донесена одлука за измена на спогодбата меѓу членките, со што би се продлабочила економската интеграција и би се зајакнала буџетската дисциплина.
На стабилизацијата ќе влијае и новиот договор, кој го предлагаат Франција и Германија за формирање на зона на безбедност, која ќе спречи нова криза, изјави минситерот за европски интереси на Франција, Жан Леонети.
Франција бара таа спогодба да ја прифатат сите 27 земји-членки на ЕУ, но не е исклучена можноста таа да биде потпишана само од 17-те членки на еврозоната.
Претседателот на Европскиот совет Херман Ван Ромпуј меѓутоа смета дека спасувањето на еврото е можно и без нова спогодба на ЕУ.
Ромпуј меѓутоа признава дека поради долгорочните планови би морало да биде променета спогодбата на ЕУ, а таквите мерки би резултирале со изолација на некои земји надвор од еврозоната, како Велика Британија.
Претседателот на ЕУ ќе ги повика лидерите од Унијата да постигнат спогодба за емитување на еврообврзници, се наведува во нацрт-документот, кој ќе биде претставен на самитот.
{loadposition content9}
