Лицата со различни видови инвалидитет ги повикуваат надлежните на почитување на Конвенцијата за нивните права.Тие долго време беа запоставувани од држaвата, а сега со нејзиното потпишување, овие лица очекуваат да ги имаат истите права како и „обичните“ луѓе.
Сега треба да се адаптираат сите објекти и институции кон нивните потреби и да се отстранат сите бариери, и физички и интелектуални. Лицата со инвалидитет се свесни дека промените нема да се случат преку ноќ туку постепено, но бараат од некаде промените да стартуваат. Побараа од Локалната самоуправа одговор дали планираат адаптација на објектите за нивните потреби.
Од општината ветуваат ќе направат се што е во нивна надлежност. Потенцираат дека во иднина ќе ги отстранат сите бариери на објектите кои се во нивна ингеренција. Пристап до сите општински служби ветуваат со доградбата на општинската зграда.
Досега, Локалната самоуправа за лицата со инвалидитет обезбеди паркинг места за возилата кои ги користат овие лица, по некоја приодна рампа на улиците и звучниот сигнал на семафорите за слепите лица на раскрсницата кај гимназија.
{loadposition content9}
