Грција упати протестна нота до македонското Министерство за надворешни работи во која се наведува дека властите треба да го осудат “погребот на Грција“ на вевчанскиот карневал и палењето на грчкото знаме.
Грчкото министерство за надворешни работи во протестната нота наведува дека ова е “провокација“.
Шефот на канцеларијата за врски во Скопје, амбасадорката Александра Пападопулу побарала од македонското МНР да го осуди овој чин и да спречи во иднина вакви и слични настани, се вели во соопштението на грчкото Министерство за надворешни работи.
Пападопулу изразила незадоволство оти “на карневалот кој се одржува со субвенции на државата и кој свечено го отвори министерката за култура на Македонија е претставен ’погреб на Грција’ на кој учесниците носеле костими со иредентистичкиа содржина, а потоа го запалиле и грчкото знаме“. Таа му замерува на македонското МНР дека не го осудило овој чин, туку напротив, министерката за култура го окаракетризирала карневалот како бисер на македонската традиција.
Министерството за надворешни работи ја разгледува протестната нота.
{loadposition content9}
