Грција упати протестна нота до македонското Министерство за внатрешни работи заради симболите на “Порта Македонија“, за кои, како што наведува, биле со иредентистичка содржина.
Шефицата на Канцеларијата за врски на Грција во Скопје, Александра Пападополу, во нотата која ја упатила до македонското МНР протестирала “поради фактот дека со различни постапки констатно се допринесува за политичко искривување на историската реалност, која се свртува против Грција и останатите соседни земји“.
Официјална Атина предупредува дека ваквите постапки се опасни и претставуваат закана за стабилноста на Балканот кој веќе во минатото ја платил цената за национализам.
Од македонското МНР велат дека внимателно ќе ја разгледаат содржината и изнесените обвинувања.
Минатата недела Атина упати протестна нота заради карневалската маска во Вевчани “погребот на Грција“ и ги повика властите да го осудат овој чин.
{loadposition content9}
