Козметичкиот џин Estee Lauder го исфрли DBP од своите производи, но OPI, Essie и Sally Hansen сè уште го користат. Во САД нема закон според кој би било задолжително да се проверува дали ваквите производи се безбедни. ЕУ уште во 2004 година ја забрани употребата на DBP поради што OPI ги промени лаковите наменети за европскиот пазар, но не и оние за американскиот.
Од компанијата OPI тврдат дека нивото на DBP е премногу ниско за да предизвика здравствен ризик и дека најмногу штети вдишувањето на испарувањата од лакот, а не лакот нанесен на ноктите.
„Пред да се појават на пазарот производите се тестираат само за моментални реакции, а не се размислува за долготрајните последици како ракот или труењето“ – истакнува Лорен Сукер од „Група за заштита на околината“.
Инаку, повеќе тестирања во САД покажале дека нивото на DBP е особено високо кај сите тестирани жени на возраст помеѓу 20 и 40 години.
