Вкусно ѓомлезе подготвено на традиционален начин под сач, се печеше на распламтен огин. Денес по четврти пат на излетничкото место Скребатно се одржа годинешниот натпревар, или препознатливата ѓомлезијада. Секогаш добро е да се потсетиме која е тајната на приготвувањето на овој македонски специјалитет. „Не е тешко ниту мачно кога со задоволство се прави ѓомлезе“, вели Билјана Китевска.
„За да се направи ѓомлезе треба да се знае тајната на постарите од старите времиња. Треба вода брашно и сол. Ѓомлезе што се става пециво јогурт е гибаница“.
Ѓомлезето добро оди со сирење. А понуда на неколку видови квалитетно сирење и кајмак за дегустација имаше на штандот „Даути“.
„Мислам дека народот ги препознава нашите производи и со задоволство ги дегустираат“-вели Благица Танаскоска.
Посетителите на годинешнава ѓомлезијада Скребатно 2012 воодушевени се од организацијата на манифестацијата и велат дека целиот амбиент е како создаден за тоа.
„За прв пат го следам натпреварот и одлично е“. „Одлично е јас сум од Скопје и многу ми се допшаѓа и не е лесно, но е нешто феноменално“. „не сум од овде ме изненади гостопримството и убавината на овој клрај. Само вака знаеме кој сме што сме“.
Организаторите задоволни, велат дека од година во година се се подобри и нудат квалитет. Гоце Симоноски од ЛЕР вели дека ѓомлезијадата веќе е препознатлива традиција, манифестацијата е посетена и очигледно е дека посетителите уживаат.
„Ова е со една цел да допринесиме малку во руралниот развој, значи жителите од овој регион да сватат дека имаат навистина добра храна која можат да ја понудат на туристите во градот. Целта е не само ѓомлезијадата да биде традиција туку во Скребатно постојано да се нуди овој производ“.
Почесен гостина на гомлезијадата секако дека е градоначалникот на Охрид, Александар Петрески. Тој вели дека со оваа манифестација направиле одличен потег, што веќе сега после 4 години јасно се гледа дека постигната е целта, застапеност на сите видови на туризам.
„Предностите на Охрид во споредба со другите туристички места Грција, Турција Хрватска се чиста животна средина и здрава хрзна. Токму преку овој настан ги нудиме нашите тредиционални јадења“.
Во конкуренција на 24 натпреварувачи првата награда од 10 000 денари и припадна на Светлана Тодороска, која покрај тоа, беше наградена и од страна на регионалната занаетчиска комора со рачно изработен бисер од фамилијата Талеви. Втората награда 6 000 ден ја доби Љубица Ѓузелоска и 4000 денари доби трето наградениот Димитрија Димитроски. Манифестацијата беше збогатена со богата културно уметничка програма, а на орото заиграа и дел од посетителите.
{loadposition content9}
