Космонаути, принцези, самовили, вештерки, Бетмени беа само дел од најразличните костими со кои најмладите охриѓанчиња го одбележаа Денот на шегата.
Првиот ден од пролетниот месец април најмалите на само нивен начин го направија порадосен и пораспеан. Заради променливото време изостана традиционалната прошетка на градскиот плоштад , па манифестацијата се одржа во кругот на 5-те градинки. 
Со најразличните шарени костими децата покажаа дека нивната фантазија е неисцрпна. Целта на Априлијадата е сите деца да уживаат во добра забава и смеа. Во подготвување на програмата, за Априлијадата да биде што поуспешна и поведра, покрај креативните наставнички се повеќе се вклучуваат и родителите, вели директораката на градинката Марина Петроска Тодороска.
Секоја година костимите се поинтересни и поразлични, со нивните омилени јунаци од бајките, но и од цртаните и ТВ филмови, онака како што сакаат децата.Во почетокот на одржувањето на Априлијадата костимирањето беше поскромно, доаѓаа неколку деца облечени од дома, некои ги подготвуваме ние во градинката, а сега традицијата преминува и во домовите со вклучување и на родителите“, нагласува Петроска Тодороска.
На градскиот плоштад пак, беа присутни и првоодделенците од охридските основни училишта. Атмосферата и на плоштадот беше пролетна, шарена, распеана и во духот на Денот на шегата. Децата и тука во најразлични костими весело се забавуваа, а денот им го разведрија и на повозрасните сограѓани.
{loadposition content9}
