Со проекцијата вон конкуренција на филмот „Големиот Гетсби” во 3Д техника, што е вторпат откако во 2009 година фестивалот беше отворен со анимацијата „Up”, во средата навечер започна 66-то издание на Канскиот филмски фестивал на кој и годинава учествуваат најголемите имиња на светскиот филм. 
Фестивалот го прогласи отворен американскиот актер Леонардо Дикаприо пред публиката во Фестивалската палата којашто претходно со долг аплауз го поздрави претседателот на годинешното фестивалско Стивен Спилберг.
„Го прогласувам отворен 66-от Канскиот фестивал”, рече актерот пред прикажувањето на Филмот на Баз Лурмен, „Големиот Гетсби” (The Great Gatsby) кој всушност е веќе четвртата екранизација на истоимениот роман на Френсис Скот Фицџералд.
Во Кан престојува и еден од најдобрите фудбалери во историјата, 72-годишната бразилска ѕвезда Пеле, кој ќе го претстави идниот биографски филм за неговиот легендарен живот.
Прикажувањето во натпреварувачката конкуренција на дваесетте филмови започнува во четвртокот, со „Млада и убава” (Jeune et jolie) на постојаниот гостин на Кан, Франсоа Озон кој е всушност продолжување на неговото занимавање со темата за тинејџерите од претходното негово остварување „Во домот”, а во овој се зборува за тинејџерка од високиот општествен слој која станува проститутка. Во четврток ќе биде прикажан и филмот „Хели” (Heli) на мексиканскиот режисер Амат Ескаланте.
Режисерот на „Големиот Гетсби”, Баз Лурман, пред отворањето на фестивалот ги отфрли острите американските критики истакнувајќи дека ја очекува својата публика во киносалите. „Кога Фитцџаралд ја напишал таа книга го нарекуваа кловн”, истакна Лорман пред новинарите, потсетувајќи и дека неговите хитови „Мулен руж” и „Ромео и Џулиет”, не наидоа на еднодушен прием.
Филмот за Пеле, сметан за еден од најголемите фудбалери на сите времиња, со огромен придонес кон градењето на бразилскиот национален спортски идентитет, ќе го снимаат браќата Мајкл и Џеф Зимбалист. Филмот треба да се појави во кино салите непосредно пред започнувањето на Светското фудбалско првенство коешто индата 2014 година ќе се одржи во Бразил. Пеле, кој е меѓународен амбасадор на Мундијалот, во Кан изјави дека неговиот начин на игра бил „Божји дар”.
{loadposition content9}
