Лекарите ќе прeпишуваат рецепти за 90 дена

Министерот за здравство Бујар Османи денеска ја потпиша Согласноста за одобрување на Правилникот за изменување и дополнување на Правилникот за содржината и начинот на остварување на правата и обврските од задолжителното здравствено осигурување.

По стапувањето во сила на овие измени лекарот ќе може да препишува рецепти за 90 дена, со означен датум на рецептот соодветно за секој месец.

Како што се наведува во соопштението од Министерството за здравство, во Правилникот за содржината и начинот на остварување на правата и обврските од задолжителното здравствено осигурување (Сл. весник на РМ бр 111/2000, 4/2001, 71/2001, 23/2002, 55/2004, 30/2006, 137/2006, 26/2007, 132/2007, 59/2008, 64/2008 и 128/2008) во член 47 по став два се додава нов став 3 кој гласи:

“Лекарот може да пропишува рецепти за 90 дена, со означен датум на рецептот соодветно за секој месец”.

Овој правилник влегува во сила осмиот ден на објавување во Службен весник на Република Македонија. Со потпишување на оваа согласност се исполнети сите предуслови и законски обврски за воведување на популарно наречениот „хроничен рецепт“ и не постојат никакви пречки за негово профункционирање.

 

 

{loadposition content9}