Градоначалникот Никола Бакрачески оствари средба и работен ручек со 45 почесни конзули во Р. Македонија од целиот свет. Домаќинот, ја појасни целта на оваа несекојдневна средба. Тој истакна дека ја користат оваа ретка можност на директен и непосреден начин, на конзулите да им ги претстават нивните заложби за Локален економски развој на општина Охрид, како и развојните стратегии во туризмот и се она што општината го прави да го подигне стандардот на населението.
„Оваа средба ќе ја искористиме да го промовираме градот Охрид како културно и природно наследство на УНЕСКО, да ги промовираме природните реткости и убавини на Охрид, секако дел од нашата традиција од нашата култура и историја и да ги потенцираме нашите потенцијали во делот на туризмот како и во делот на лесната индустрија, земјоделието, можностите за развој на медицинскиот туризам, развој на образовните дејности.
Конзулите од Индија и Алжир веќе размислуваат за искористување на бизнис можностите кои ги нуди нашиот прекрасен Охрид.
Работниот ручек и средбата беа одржани попладнево во вила Света Софија. Почесните конзули беа воодушевени од гостопримството и убавините на Охрид. Воедно тие упатија порака дека своите импресии за Македонија посебно за Охрид ќе ги пренесат во земјите од каде што доаѓаат и сметаат дека Македонија има голем голем потенцијал кој треба да се искористи.
{loadposition content9}
