Кина на почетокот на декември ќе го испрати на Месечината своето прво беспилотно летало со возило заради истражување на површината на земјениот сателит.
Со мисијата за слетување на Месечината „Чанге 3“ Кина ќе го исполни долгогодишниот сон за лунарното истражување на вселената – рекол портпаролот на државната управа за наука, технологија и индустрија во секторот за национална одбрана Ву Џи Џијан. 
Кинезите веќе ја фотографирале површината на Месечината за да се подготват за успешно слетување на беспилотното летало.
Научниците бараат начин за меко слетување на површината, а потоа возилото да почне да го истражува тлото.
Возилото за лунарното истражување го добило името „Јуту“, што на кинески јазик значи зелен зајак, што е симбол мотивиран од кинескиот фолклор.
Кина во јуни успешно ја изврши својата последна мисија во вселената, кога успешно престојуваа тројца астронаути цели 15 дена во орбитата. Сепак, Кина многу заостанува зад вселенските сили САД и Русија.
{loadposition content9}
