За православните христијани од денес започнува Божиќниот пост. Верниците во следните шест недели, во чест на раѓањето на Господ Исус Христос, ќе се воздржуваат од консумирање на мрсна храна, телесни задоволства и ќе се молат пред Бога. Постите се востановени во рајот , Бог им дал на луѓето забрана да не јадат од дрвотозаз познавање на доброто и злото.Ако тогаш постот им бил потребен на првите луѓе во рајот колку ни е потребен на нас луѓето во ова денешно време , укажува отец Ѓорѓи Блажески.
„ Целта на Божиќните пости, но и на останатите пости е очистување на човечката душа и тело. Распнување на огревовениот стар човек и дозволување да ја примиме благодата на светиот дух во нашата душа. Да дозволиме нашето тело да стане вистински храм на светиот дух тоа е можно преку постот како покајание од длабочината на душата, молитвата, искрените силни молитви кон Бога и причеста кон светиот путир“. 
40 дневниот пост е пропрaтен со телесно воздржување од храна, но позначајно е и духовното постење, пропратено со покајание. Постот е за здравите луѓе, така налага светата Црква. Болните ќе бидат поумерени во примањето храна што значи како што налага телесното здравје таква ќе биде и тежината на постот во согласност со духовниот отец, вели отец Блажески. Во однос на постот отецот потсетува и на правилата кон кои треба да се придржуваат верниците.
„ В понеделник, сред и петок се пости без масло, во вторник и четврток се употребува масло, а во сабота и недела зејтин и риба. Во тек на цел пост само во поголемите празници , на пример како што е Воведение на пресвета Богородица се употребува масло, риба и вино. Верниците кои се потполна можност да го испостат постот додека за болните ќе има олеснување“.
Отец Ѓорѓи Блажески напоменува дека охриѓани ги постат сите 4 пости во годината. Постои интерес кај нив, доаѓаат и прашуваат на кој начин да постат, но околу Велигденските пости е поголема бројката што се придржуваат кон постот. Постот е пропратен и со тајна исповед, која исто така е прифатена од верниците, нагласува отец Блажески.
{loadposition content9}
