Наставниците што имаат поголеми отстапки во оценувањето според резултатите добиени од екстерното тестирање ќе добијат помала плата во февруари 2014 година, а оние чии оценки се поклопуваат со тие што ги ставиле во дневникот ќе бидат наградени со повисока плата.
– Анализата ќе каже и дали некој предмет посебно се издвојува во однос на отстапките со оценките. Тоа би значело дека можеби проблемот не е во наставниците, туку во програмата. Исто така ќе видиме и по кои предмети имаме позитивни, по кои негативни оценки, а сето тоа ќе ни помогне во креирање на идните политики во образованието – информира министерот Спиро Ристовски.
Kако најуспешни проекти во минатата година ги посочи одлуката за воведување задолжителна математика на државната матура, спроведувањето екстерно тестирање, воведувањето на ИБ-програмата во две основни училишта како и новите програми на Kембриџ за природните науки.
{loadposition content9}
