Настрадаа клупите во стариот дел од градот. Патниците намерници нема каде да седнат да се одморат зошто од клупите останата е само металната конструкција. На ваквиот вандалски чин посебно реагираат повозрасните бидејќи после напорното искачување по варошките стрмни улички, клупите им беа благословено место за починка.
–Јас кривицата за ваквата појава прво би ја нашла во родителите, а после во децата. Многупати родителите гледаат како нивното дете прави штета и воопшто не реагираат. Значи прво треба да се развие свеста кај возрасните, вели една револтирана граѓанка.
Од Локалната велат дека знаат за ваквата состојба на клупите во стариот дел од градот и додаваат дека ваква појава има и во другите делови, па дури и во централното градско подрачје. Тие веќе превземаат мерки за нивна санација.
–Антиципирана е оваа состојба со повеќе клупи низ градов. Екипи од ЈП „Гробишта“ и од „Комуналец“ веќе се на терен и вршат санација. Ќе се поправаат и тротоарите, улиците и другите оштетени делови, вели Томе Џамтоски-портпаролот на Локалната самоуправа.
Џамтоски вели дека ќе се работи по должината на улицата Коста Абраш, Илинденска, ќе се поправи и клупата кај Горна Порта, но апелира до граѓаните да бидат посовесни и да не ја уништуваат урбаната опрема која впрочем се поставува за нивно добро.
{loadposition content9}
