Патентот на Самсунг открива дека оваа компанија работи на мобилен уред кој ќе може да се користи како класичен таблет кој ќе може да се преклопи и да се користи како смартфон.
Многу корисници не се сигурни дали парите да ги вложат во топ моделите на смартфон како iPhone, GalaxyS, HTC One, XperiaZ и слично или повеќе им се исплати да купат ефтин телефон и поскап таблет со поголем екран. Asus се обиде да го реши овој проблем со Падфон моделите – смартфон кој се вметнува во таблет, и потоа на голем 10 инчен екран се гледа содржината на смартфонот, а повеќето компании понудија хибридни уреди, односно Фаблети кои го даваат најдоброто од двата уреди. Овие мобилни уреди доаѓаат со голем дисплеј од 5,5 инчи кои и понатаму можат да се носат по џебовите,но Самсунг бара ново решение и тоа 2 во еден уред кој на корисниците ќе им донесе ново искуство. Уредот би се користел како класичен телефон со екран од 4,5 – 5 инчи, но би имал и додатни два екрани кои ќе се отвараат како паричник, и кога ќе се рашират би можеле да се користат како еден голем екран .
На страницата Патент болт се појавија фотографии на Самсунговиот патент на овој уред, каде се гледа дека кога ќе се отворат двата додатни екрани се добива еден од 8-9 инчи. На овој начин корисниците би можеле да го користат како класичен смартфон, а кога ќе имаат потреба од поголем екран само ќе ги отворат двата додатни екрани и се добива таблет со голем екран. Некои новинари веруваат дека овој патент е поврзан со неодамнешните откритија поврзани со графенот, изнимно издржлив и тенок материјал кој во иднина би можел да се користи во бројни уреди.
{loadposition content9}
