Златната маска и пронајдените предмети кај Горна Порта ќе се изложат во 
Германија. Покрај овие артефакти Германците ќе видат и други вредни археолошки вредни предмети од Македонија. Пронајдените предмети ќе бидат изложени на 24 јули во германскиот Државен музеј. Охриѓани и македонците досега немале ваква можност.
Дома артефактите се чуваат во музејските депоа, а златната маска и останатите вредни предмети охриѓани и македонските граѓани ги гледаат само на постери. За да ги видат во живо ќе почекаат до отворањето на Златната соба. Оваа пак соба, најавувана од пред 8 години, никако да се стави во функција иако имаше најразлични оправдувања зошто се доцни со нејзиното отварање.
Затоа пак дел од македонското историско богатство четири месеци, се до ноември,
ќе престојува во „Келтен ромер музеум“ во Манхинг, Германија на поставката наречена „Златните лица на македонските кралеви – Македонците и Келтите од охридскиот регион“ .Директорката на Завод и Музеј , Тања Паскали Бунташеска за ТВМ кратко изјави колку и кои артефакти од нивната институција ќе ја сочинуваат колекцијата на артефакти кои ќе патуваат за Германија ќе одлучува организаторот на изложбата, Археолошкиот музеј на Македонија.
Но , од постерот со кој германскиот музеј ја најавува престојната изложба може да се види дека на фотографијата ги има златната маска, ракавицата и прстенот пронајдени во близина на Горна Порта.
Директорката на Завод и Музеј кажа дека ова не е прв пат вредните археолошки предмети да ги видат странците. Претходно вредните археолошки наоди биле изложени во Холандија.
{loadposition content9}
