Даночните обврзници чиј промет во претходната година надминува 10 милиони денари, треба најдоцна до 31 октомври 2014 година да воведат фискален апарат со GPRS уред. Рокот за сите други даночни обврзници е до 31 јануари 2015 година.
Од УЈП велат дека постапката на регистрација на фискалниот апарат отсега ќе трае само 10 минути, наместо како досега од 3 до 5 дена, затоа што ќе се врши размена на податоците помеѓу сервисниот центар од каде обврзникот ќе ја купи фискалната каса и системот на УЈП.
Со воведувањето на новите фискални каси Управата за јавни приходи стартува со он-лајн следење на готовинскиот промет во земјата. Од таму велат дека со ова ќе се намалат даночните контроли на терен, ќе се зголеми финансиската дисциплина и ќе се намали сивата економија.
{loadposition content9}
