На првиот училишен ден градоначалникот Никола Бакрачески на учениците од гимназијата Св. Климент Охридски им посака успешен старт во претстојната учебна година. Тој не средбата со гимназијалците во емотивно и искрено обраќање им порача постојано да се да се трудат да го надградуваат своето знаење. Ги поттикна да бидат истрајни во своите соништа и желби, да не се предаваат пред препреките и проблемите туку цврсто да газат по зацртаната патека.
„ Не може д а се откажете од учењето за да добиете само добра работа. Мора да се трудите да се обучувате и учите. Ова не е важно само за вашиот сопствен живот и за вашата иднина. Она што ќе направите денес со вашата едукација ќе ја одлучите иднината на овој град и оваа земја“, рече Бакрачески.
Бакрачески им укажа на потребата од нивната креативност и генијалност која треба да ја развиваат по сите предмети. Сето тоа е потребно за да изградиме нови компании кои ќе создадат нови работни места и ќе ја збогатат нашата економија, рече во своето обраќање Бакрачески.
„ Треба секој од вас да ги развива своите таленти и вештини и интелект за да помогне во решавање на нашите најтешки проблеми. Ако не го сторите тоа, ако го прекинете школувањето Вие не сте раскинале само со себе туку и со нашиот град и земја, напомена градоначалникот.
Градоначлникот Бакрачески даде одговор и на неколку прашања кои му ги упатија средношколците. Едно од нив беше кога ќе се постави мрежа на игралиштето кај Сараиште, градоначалникот вети дека таа ќе се постави за 10 -тина денови.
{loadposition content9}
