Неодамна од страна на Советот на месната заедница Куратица , МПЗ Тодор Александров, Христо Узунов како и на најмлади жители на с.Куратица се одржа традиционалниот марш по повод 111 годишнината од битката кај Рашанец, или познато меѓу народот втор Мечкин Камен.
Во текот на маршот кај месноста „Клинчи Гумења„ учесниците се запознаа со текот и местото на битката кај Рашанец (Грмешница),каде загинале 117 те востаници. На гробот на војводата Аргир Маринчев беа положени венец и букет од учесниците, а беше одржан и краток говор за војводата и неговите востаници.
Во иднина е предвидено пробивање на пат до самото место се со цел да има поголема посетеност и запознавање на пошироката јавност за овој настан, каде нашите востаници го жртвувале својот живот за Македонија.
Голема благодарност за соработката на Македонското Патриотско Здружение Тодор Александров Битола и здружението Христо Узунов од Охрид.
{loadposition content9}
