Македонија – Данска 24:32

На Светското првенство во ракомет што се одржува во Хрватска, во последниот натпревар од второто коло во групата М2 во Задар, Македонија вечерва загуби од Данска со 24:32.
Првото полувреме заврши со минимално водство на данската репрезентација, 13:12.

Во текот на вториот дел од мечот, Македонија само еднаш поведе со еден гол, а во остантиот дел предноста беше на страна на данскиот тим.
Според табелата, прва е Данска со шест бодови, Германија е втора со пет, следуваат Полска и Норвешка со по четири бодови, три има Србија, а Македонија е последна со два бода.
Во спортската сала во Задар натпреварот го следеа 4.000 гледачи од кои 3.000 беа македонски навивачи.
Денешниот ден на првенството е слободен. Македонската репрезентација во вторник ќе го одигра последниот натпревар од групата против Србија.

 

{loadposition content9}