ВМРО – ДПМНЕ со претседателски кандидат

Владејачката ВМРО – ДПМНЕ го избра универзитетскиот професор Ѓорѓи Иванов за свој кандидат на претседателски избори на 22 март.

Иванов синоќа, на партиската конвенција во Универзалната сала, очекувано беше избран со големо мнозинство гласови од партиските делегати.

Во првото обраќање пред присутните, Иванов порача дека „Единствени сме посилни“.

„Македонија има моќ бидејќи има длабоки корења, некои сакаат да ги исечат или да ни кажат дека сме со плиток корен. Македонија навистина треба да се гордее со своето наследство, меѓутоа тоа мора да биде во функција на иднината. Иднината што не очекува не е ни малку лесна“, изјави Ѓорѓе Иванов, кандидат за претседател на ВМРО-ДПМНЕ.

Иванов доби поддршка од 1.016 делегати, наспроти 91 делегат кој гласаше за Тодор Петров.

 

 

 

{loadposition content9}