Општинската организација на СДСМ денес со објаснување зошто вчера советниците од оваа партија го напуштија вториот дел на седницата на совет. Координаторот на советничката група, Јован Стојаноски рече дека не сакале да бидат дел од срамни одлуки како што се продажбата на државното земјиште на три многу атрактивни локации во градов. Од СДСМ сметаат дека одлуката за продажба на државно земјиште ја доведува во прашање изградбата на автобуската станица, домот за стари лица и катните гаражи кои се витални проекти од огромно значење за охриѓани.
Власта на ВМРО-ДПМНЕ и Бакрачески во нивната изборна програма ветија дека овие проекти ќе се финансираат со средства од општинскиот буџет и преку јавно приватно партнерство. ВМРО-ДПМНЕ не го исполни ветувањето. Неспособноста на локалната самоуправа не може да се покрива со распродажба на имотот на охриѓани и на сите граѓани. Зошто на приватно земјиште да се градат проекти од јавен интерес? Зошто бизнис интересите на поединците блиски до владејачката партија се поважни од интересите на сите граѓани?, запраша Стојаноски.
Признанието на градоначалникот Никола Бакрачески дека не може да го реализира сопственото ветување овие проекти да се изградат по пат ја јавно приватно партнерство е уште една потврда за состојбата во којашто се наоѓа општина Охрид, подвлече Стојаноски.
Ова дефинитивно ќе значи дека државниот имот, за ефтини пари, ќе премине во сопственост на приватни лица, блиски до партијата на власт, рече Стојаноски.
Со ваквите одлуки охриѓани, за навек ке останат без капиталот кој во наследство ни го оставија нашите предци, рече Стојаноски на денешната пресс конференција.
{loadposition content9}
