Реализација на капитални проекти во 2015 година, најавува градоначалникот на Охрид Никола Бакрачески. Тој истакна дека престојната година ќе бидат реконструирани и адаптирани неколку сообраќајници во градот како и изградба на пет кружни текови.
„Два ќе се финансираат со средства од светска банка и тоа едниот е на раскрсницата на „Туристичка“ со „Бистрица“ а другиот е на раскрсница на „Туристичка“ со „Македонски Просветители“. Општината Охрид со сопствени средства ќе ги финансира изградбата на останатите три сообраќајници таму каде ѓто се спојува „Туристичка“ со „Абас Емин“ со „Јане Сандански“ и останатиот ќе е спој на „Туристичка со „Стив Наумов“. Тоа претставува еден од најзначајните инфраструктурни зафати во ист период кој што општина Охрид не го памети 10 години наназад“ – објаснува Бакрачески.
Бакрачески напомена дека наредната година во истиот период предвидено било реконструкција на 5 помали улици заедно со изградба на атмосферска канализација во населба Даљан и Воска, изградба на улицата Илија Смически во Лескоец, набавка на современи возила за ЈП „Охридски Комуналец“. Градоначалникот ја спомна изградбата и на капиталните објекти.
„Очекуваме на крајот од оваа или почетокот од наредната година конечно да се започне со изградба на затворениот зелен пазар кој што е зафат кој што ќе се гради претпоставувам во траење од 24 месеци. Други два крупни проекти кои ќе ги реализираме е изградба на катна гаража кое што е и наше ветување и доколку најдеме инвеститор ќе започнат градежните активности за изградба на современа автобуска станица. Во наредната година ќе започне изградбата на затворениот пливачки базен“ – вели Бакрачески.
Градоначалникот Бакрачески изјави дека поголемиот дел од предвидените зафати во делот на инфраструктурата за 2015 година, требало години наназад да бидат реализирани во општина Охрид.
{loadposition content9}
