Екранизацијата на приказната за еден од најпознатите шпијуни на денешницата ќе го одработи легендарниот Oliver Stone, добитник на Оскар за режија на филмовите Платон и Роден на 4 јули, а снимањето ќе започне во февруари во Минхен.
Edward Snowden ќе остане, несомнено, запаметен како човек кој го смени разбирањето на приватноста и ги отвори очите на многумина. Екс вработениот во Американската агенција за национална безбедност (NSA) понуди докази за масовно прислушкување и следење на сите и секаде, со што изби на површина огромна афера. Snowden на почетокот на минатата година во јавноста пушти илјадници строго доверливи документи кои докажуваат како NSA шпијунирала илјадници обични граѓани, но и многу светски лидери, вклучувајќи ја и германската канцеларка Ангела Меркел, која многумина ја нарекуваат најмоќна жена во светот. По аферата, Snowden пребега во Русија кои на 1 август 2013 година му одобрија политички азил.
Нема сомнежи дека ова е добра подлога за филмска приказна, а Edward Snowden на филмското платно ќе го глуми 33 годишниот американски актер Joseph Gordon-Levitt. Иако млад овој актер и режисер неодамна го режирал и глумел во филмот Don Jon, а позапазени улоги отстварил во филмовите Lincoln и Inception. Сепак ова му е прилика да го зацрта патот меѓу ѕвездите бидејќи филмот кој почнува да се снима е под режисерската палка на големиот Oliver Stone.
Сите услови се исполнети, интригантна приказна и врвен режисер кој знае да направи врвен филм.
Сценариото се темели на две книги за Edward Snowden, “The Snowden Files: The Inside Story of the World’s Most Wanted Man” на Luke Harden и “Time of the Octopus” на Anatoly Kucheren. Продуцентот Moritz Borman објавил дека филмот ќе се снима во копродукцијата Open Road и Endgame филмските компании, објаснувајќи дека тој избор е поради потребата филмот да се снима во независна продукција, елиминирајќи било какви политички притисоци.
Засега нема информации колку ќе трае снимањето и кога ќе се појави филмот во кино салите.
{loadposition content9}
