Албанија е трета земја во светот по корумпираност

Албанија се наоѓа на трето место во светот по корупција, покажуваат податоците на организацијата „Транспаренси интернешнл“, објавени во албанските весници „Зери и Популит“ и „Албанија“.
Косово се наоѓа веднаш по Албанија на оваа класификација, а првите места ги заземаат Камбоџа и Камерун.

Весниците во Тирана пишуваат дека резултатите се од извештајот на „Транспаренси интернешнл“ за нивото на корупција во различни земји од светот.

Судството е најкорумпираниот сектор на Косово. Во текстовите на албанскиот печат во врска со ова се нагласува дека злоупотреби на Косово биле регистрирани и во однос на помошта во износ од 2,3 милијарди евра, доделена од меѓународната заедница за развој на Косово во 1999 година.

 

{loadposition content9}