Барселона вечерва бара освета

Три години откако ја напушти Барселона, Пеп Гвардиола по прв пат се враќа на Ноу Камп во официјална посета. Неодамна ја следеше победата на својот екс клуб во Ел Класико и ужуваше во мајсториите на Лео Меси. Сега дојде и тој момент да води тим кој ќе се соочи со неговата Барса и неговиот омилен Аргентинец.

Пеп дома пристигнува со Баерн Минхен кој успеа да го скрши митот на “тика-така”, но оној на Хејкенс пред две години кога во полуфиналето Барселона беше прегазена со вкупни 7-0.

Луис Енрике успеа малку да ги смени работите и играта да ја направи малку повертикална, а Меси го прифати своето место на десната страна (иако често се враќа на средината да ја превземе топката). Со Луис Суарез Барселона доби побрутален напад, а за тоа сведочат бројките – тројката МСН оваа сезона постигна дури 108 голови, а само во 2015 година дури 51 гол.

Јасно е дека Барселона е во феноменална форма и бара освета за 2013 година, а за тоа се присети и самиот Меси на прес конференцијата. Во  осмина и четвртфиналето Барса славеше во сите четири натпревари против силните и богати Манчестер Сити и ПСЖ. Во последните два натпревари во Примера постигнаа дури 14 погодоци, а последен пат примија гол од ПСЖ пред три недели.

И додека Барса нема поголеми проблеми со повреди (освен Матие), Гвардиола на располагање ги нема Робен, Рибери и Алаба додека Левандовски ќе игра со маска. Но, тоа не е единствен проблем за Баварците, туку и со формата. Баерн нема победа на три гостувања во Лигата на шампиони, расположението, по победата над Порто, го расипаа и поразите во купот, од Борусија Дортмунд  и во шампионатот од Баер Леверкузен.

{loadposition content9}