Охридските љубители на филмската уметност наредниот викенд во Центарoт за култура „Григор Прличев“ во Охрид, ќе имаат можност да погледнат три кино проекции во 2Д и 3Д технологија.
Филмовите ќе се прикажуваат во рамки на проектот „Мобилно 3Д кино“ кој го реализира дистрибутерската куќа МЦФ МКД од Скопје.
Проекциите ќе можат да се проследат на 12-ти и 13-ти јуни. Со почеток во 17 часот ќе се прикажува 3Д филмот „Утреземја“. Билетот за оваа проекција ќе чини 200 денари. Во 19 часот ќе се прикажува 2Д проекцијата на филмот „Шпиони“ за кој влезницата ќе чини 150 денари и во 21:30 часот ќе биде прикажана 3Д проекцијата на филмот „Полтергјаст Куќен – Дух“ за која влезниците чинат 200 денари.
