Лидерите на четирите најголеми политички партии од Република Македонија, Никола Груевски (ВМРО-ДПМНЕ), Зоран Заев (СДСМ), Мендух Тачи (ДПА) и Али Ахмети (ДУИ), во Брисел ќе се обидат да постигнат договор со кој би се решила политичката криза во Македонија.
Во Брисел се наоѓаат и амбасадорите на Европската унија и на Соединетите Американски Држави, Аиво Орав и Џес Бејли.
Најавено е дека ќе се договараат принципите, а потоа и деталите за транзицискиот период до изборите во април идната година.
Европската Комисија веќе предупреди доколку не биде постигнат договор дека е можно да биде одземена препораката за почеток на пристапните преговори со ЕУ, препорака што Македонија ја добива веќе шест години по ред.
