Од 22- ри до 26- ти јули на летната сцена од Центарот за култура „ Браќа Миладиновци“ во Струга ќе се одржи најновото издание на фестивалот „ДримОН“. 
Во рамки на неколкуте фестивалски вечери, присутните ќе имаат можност да проследат работилници, изложби, филмски проекции, концерти. Ќе се одржи и петдневен Саем на книги и базар на уметнички производи.
Фестивалот е во организација на здружението „Иницијатива за независен културен активизам ИНКА Струга“. Како што велат организаторите, фестивалот е насочен кон оживување на креативната сфера на уметноста и културата во која лежи огромен потенцијал за подобрување на сеопштиот квалитет на живеење и основната цел е да се претстават „креативни производи“ кои се темелат на знаење, умешност, љубов, автентичност и корисност.
