Роналдо стана трет стрелец во историјата на најсилните пет лиги

Реал Мадрид го победи Лас Палмас со 3-1, а вториот погодок на натпреварот е дела на Кристијано Роналдо. Тоа беше вкупно 317 погодок во шпанското и англиското првенство. На листата на најдобри стрелци од најсилните пет лиги (Шпанија, Италија, Англија, Германија и Франција) Роналдо се проби на високото трето место.

Интересно е тоа што на истата листа Лео Меси е дури седми иако е рекордер во шпанското првенство со 288 погодоци. Роналдо во дресот на Реал постигна 233, но за Манчестер Јунајтед постигна уште 84 погодоци.

Пред Роналдо останаа само двајца. На второто место е германската легенда Герд Милер со 365 голови во Бундес лигата, а на првото место е Џими Грејвс легендата на Тотенхем во кој играл во 60-те години.

Џими постигнал во англиското првенство 357 погодоци играјќи за Челзи, Тотенхем и Вест Хем, но и за италијанскиот Милан за кој постигнал 9 голови во 1961 година. Така ја достигнал бројката од 366 голови, само еден повеќе од Милер.

Грејвс бил дури шест пати најдобар стрелец во англиската лига и е четврт најдобар стрелец во англиската репрезентација со 44 погодоци. Никој досега во историјата на англиската репрезентација не направил повеќе хет-трикови од Грејвс, дури шест пати.